ალუმინის საკეცი კარი წარმოადგენს ინოვაციურ არქიტექტურულ და საინჟინრო გადაწყვეტას, რომლის მთავარი მიზანი ორი ზონის ერთმანეთთან შეუფერხებელი დაკავშირებაა, სივრცის მინიმალური დანაკარგით. სტანდარტული სლაიდ სისტემებისგან განსხვავებით, სადაც ერთი ფრთა ყოველთვის ფარავს მეორეს, დასაკეცი კარი იძლევა ვიტრაჟული ღიობის თითქმის 100%-ით გახსნის საშუალებას და აქრობს საზღვარს ორ სივრცეს შორის.
სისტემა შედგება ერთმანეთთან სპეციალური, მძლავრი ანჯამებით დაკავშირებული რამდენიმე ფრთისგან. გაღებისას ეს ფრთები გორგოლაჭების (როლიკების) მეშვეობით ზედა და ქვედა რელსებზე შეუფერხებლად სრიალებს, იკეცება ერთმანეთზე და კომპაქტურად თავსდება კედლის ერთ ან ორივე მხარეს.
უპირატესობები:
მაქსიმალური ღია სივრცე - კარის სრულად დაკეცვისას ღიობის 90%-ზე მეტი თავისუფლდება, რაც უზრუნველყოფს გასასვლელი სივრცის მაქსიმალურად ათვისებას.
მსუბუქი და უსაფრთხო ექსპლუატაცია - პროფილებისა და მინაპაკეტების მასიურობის მიუხედავად, უჟანგავი ფოლადის მექანიზმი საშუალებას გაძლევთ, მასიური კარი მარტივად, ერთი ხელის მოძრაობით დაკეცოთ ან გააღოთ.
მოქნილობა - პროექტის ინდივიდუალური მოთხოვნებიდან გამომდინარე, შესაძლოა საკეცი მექანიზმი მოძრაობდეს, როგორც ერთი, ასევე ორი მიმართულებით.
