ტელესკოპური ფოტოსელური კარი წარმოადგენს სტანდარტული სლაიდ სისტემების ევოლუციას და შექმნილია სპეციალურად ისეთი არქიტექტურული პროექტებისთვის, სადაც შესასვლელის სიგანე შეზღუდულია, თუმცა მოითხოვება მაქსიმალურად განიერი გასასვლელი ღიობი. ინოვაციური მრავალფრთიანი მექანიზმის წყალობით, ტელესკოპური ფოტოსელური კარი იძლევა საშუალებას, საერთო კონსტრუქციული სივრციდან მივიღოთ 30%-ით უფრო ფართო გამტარი ზონა, ვიდრე ამას ტრადიციული ორფრთიანი კარი უზრუნველყოფს.
მუშაობის პრინციპი
სისტემის მთავარი საინჟინრო მიღწევა პარალელურ რელსებზე მოძრავი ფრთების სინქრონიზაციაა. გაღებისას, კარის სეგმენტები მოძრაობენ სხვადასხვა სისწრაფით — წინა ფრთა გადაადგილდება უფრო სწრაფად, ვიდრე უკანა. შედეგად, ისინი ერთდროულად და იდეალური სიზუსტით ლაგდება ერთმანეთის უკან და კომპაქტურად თავსდება კედლის ან ფიქსირებული ვიტრაჟის გასწვრივ. მექანიზმი იმართება ელექტროძრავითა და კბილანა ღვედებით.
უპირატესობები
სივრცის ათვისება - სისტემა, შეზღუდული შესასვლელი სივრცის პირობებში, გვაძლევს საშუალებას ავითვისოთ მაქსიმალურად დიდი ფართი მოძრაობის ნაკადისათვის
სენსორული უსაფრთხოება - სისტემა აღჭურვილია მაღალი მგრძნობელობის სენსორებით, მათი დახმარებით მყისიერად რეაგირებს წინააღმდეგობებზე ფრთების დახურვის პროცესში
არჩევანის თავისუფლება - ხელმისაწვდომია როგორც ალუმინის ვიწრო პროფილებით, ისე სრულად მინის დიზაინით, რაც შენობის ფასადს თანამედროვე, პრესტიჟულ იერსახეს აძლევს
