ალუმინის საოფისე ტიხრების სისტემა წარმოადგენს თანამედროვე და ელეგანტურ საინჟინრო გადაწყვეტას კომერციული სივრცეების დასაგეგმად. ის ანაცვლებს ტრადიციულ მძიმე კედლებს მსუბუქი, დინამიური მინის კონსტრუქციებით, რაც უზრუნველყოფს სამუშაო გარემოს ღიაობას, მაგრამ ამავდროულად ქმნის იზოლირებულ, მშვიდ სამუშაო ზონებს.
მონტაჟი
ტიხრები აგებულია მაღალი ხარისხის ალუმინის პროფილებისგან, რომლებშიც მაგრდება ერთმაგი ან ორმაგი მინაპაკეტი (ან გაუმჭვირვალე პანელები). საოფისე ტიხრების აწყობა, დაშლა და კონფიგურაციის ცვლილება ძალიან მარტივია. ის გაძლევთ საშუალებას დაზოგოთ სამუშაო ძალა და დანახარჯები. კონსტრუქცია იძლევა საშუალებას, გამოიყენოთ სხვადასხვა მინაპაკეტი, სხვადასხვა მიზნების მისაღწევად, იქნება ეს უფრო მეტად იზოლირება, სივრცით მანიპულაცია, ფერთა კომბინაცია თუ სხვა.
უპირატესობები
ხმის მაქსიმალური იზოლაცია - შესაბამისი შემინვისა და სპეციალური აკუსტიკური საიზოლაციო მასალების გამოყენებით შესაძლოა ტიხრებმა სრულად ჩაახშოს საოფისე ხმაური.
ბუნებრივი სინათლის მაქსიმალური გამოყენება - მინის ფართო ზედაპირები სინათლეს შეუფერხებლად ატარებს შენობის სიღრმეში, რაც ვიზუალურად ზრდის სივრცეს და ამცირებს ხელოვნური განათების ხარჯებს.
მონტაჟის სისწრაფე და მოქნილობა - სისტემა მონტაჟდება სწრაფად, უკვე გარემონტებულ იატაკსა და ჭერზე. ინტერიერში ცვლილებების შემთხვევაში, შესაძლებელია კონსტრუქციის მარტივი დემონტაჟი და სხვაგან გადატანა ან ფორმის ცვლილება.
ესთეტიკა - მინიმალისტური ალუმინის ჩარჩოები (რომელიც ნებისმიერ RAL ფერში იღებება) ინტერიერს სძენს პროფესიონალურ, კორპორატიულ და დახვეწილ იერს.
