პივოტური ფანჯარა წარმოადგენს თანამედროვე საინჟინრო გადაწყვეტას, სადაც ფანჯრის მოძრავი ნაწილი ფიქსირებლია არა ტრადიციული გვერდითი ანჯამებით, არამედ ჩარჩოში ინტეგრირებული ღერძული მექანიზმით. აღნიშნული სისტემა იძლევა საშუალებას, დამზადდეს დიდი გაბარიტების მქონე, მძიმე ვიტრაჟული კონსტრუქციები, სადაც დატვირთვა თანაბრად ნაწილდება ღერძულ საყრდენზე, რაც გამორიცხავს სარკმლის "ჩამოკიდებას" და დეფორმაციას დროთა განმავლობაში.
ფანჯარა ბრუნავს საკუთარი ღერძის გარშემო (ჰორიზონტალურად ან ვერტიკალურად). გახსნისას ფანჯრის ერთი ნაწილი გამოდის შენობის ფასადზე, ხოლო მეორე ნაწილი შემოდის ინტერიერში.
