Skylight (მინის გადახურვა) არის არქიტექტურული კონსტრუქცია, რომლის მთავარი ფუნქცია ინტერიერში ბუნებრივი სინათლის მაქსიმალური შემოღწევაა. ეს სისტემები უზრუნველყოფენ შენობის სიღრმეში მდებარე სივრცეების ბუნებრივ განათებას, სადაც სტანდარტული ფანჯრები ვერ აღწევს. საინჟინრო თვალსაზრისით, სკაილაითი არის მინისა და ალუმინის ჩარჩოს კომბინაცია, რომელიც გათვლილია სტატიკურ დატვირთვებზე, როგორიცაა ნალექი და ქარი.

ძირითადი ტიპები:

სტანდარტული სქაილაითი: გამოიყენება ძირითადად იმ სივრცეებში, სადაც ტემპერატურის კონტროლი არ არის კრიტიკული. მისი მთავარი დანიშნულება ვიზუალური ეფექტისა და განათების შექმნაა.

თერმო-იზოლირებული სისტემები: პროფილები აღჭურვილია სპეციალური თერმო-ხიდებითა და ენერგოეფექტური მინაპაკეტებით. ასეთი სისტემები მინიმუმამდე ამცირებს სითბოს დანაკარგს ზამთარში და იცავს სივრცეს გადახურებისგან ზაფხულში.

ფიქსირებული სქაილაითი: ეს არის მინის გადახურვა, რომელიც არ იხსნება. იგი გამოიყენება მხოლოდ განათების ფუნქციით და გამოირჩევა მაღალი ჰერმეტულობით.

ვენტილირებადი სქაილაითი: კონსტრუქცია, რომელიც აღჭურვილია მექანიკური ან ავტომატური გახსნის მექანიზმით. სინათლესთან ერთად, ის უზრუნველყოფს შენობის ბუნებრივ ვენტილაციასა და ჰაერის ცირკულაციას.

სტრუქტურული მინის გადახურვა: გამოიყენება მასშტაბური პროექტებისთვის (ატრიუმები, სავაჭრო ცენტრები). ასეთი სისტემები გათვლილია დიდ ფართობზე, მასიური პროფილების ჩონჩის აგებასა და შესაბამისი მინაპაკეტის გამოყენებაზე, ხშირად მოითხოვს რთულ საინჟინრო გათვლებს მდგრადობის შესანარჩუნებლად.